Les mots surlignés font l'objet d'une note
1Monseigneur, jay dès long temps suyvant ce quil vous
2a pleu me commander par votre lettre, renvoye
3les communaultez plainctives des dommages faictz
4par les loups à votre seigneurie pour avoir
5permission deulx assembler pour les chasser ;
6toutesfoys le porteur ne vous trouvant à
7Grenoble, laissa sa requeste à Mr. Bourgel,
8greffier des estatz qui la ma renvoyée. Despuys,
9de jour à aultre, je suys adverty de continuation
10de plus grandes pertes, tellement quil nest
11sepmaine que les loups ne ravissent de
12troys à quatre enfans et sont les païsans
13venus à tant quilz nosent aller dens les
14boys, estans prestz dy laisser les chastaignes
15et fruyctz, qui me faict vous escrire ceste
16presente pour vous supplier très humblement
17donner permission au seigneur de Chastelar
18Solière ou aultre gentilhomme tel quil
19vous plairra voysin des loups ou frequentant
20lesdits loups pour la pluspart du temps aux
21fins diceulx chasser avec telle assemblée
22de personnes quil verra ou aultrement
23comme votre providence cognoistra estre meilheur
24et plus expediant. Et sur ce, je prie le Createur
25monseigneur, vous maintenir et conserver en sa
26saincte et digne grace. De St Marcellin, ce premier de
27septembre
28votre serviteur
29Ant[oi]ne Guaragnol, vi-b[aill]i